Presentación do centro

Ola ola,

Benvidos ao blog do Rodolfo Ucha!

Un espazo onde atoparás todas as actividades, proxectos e iniciativas realizadas polo grupo do voluntariado da Biblioteca CIFP Rodolfo Ucha Piñeiro.

Pero, quen son eses voluntarios?

O grupo de voluntarios, formado por alumnos do centro, xorde como unha iniciativa para achegar a biblioteca a tódalas persoas. A biblioteca non é só un lugar ondo estudar, senón que queremos que sexa un lugar de encontro, onde abundan as boas enerxías, o bo ambiente e o compañerismo, un espazo onde poder realizar distintas actividades que fomentan a interacción entre as diferentes familias profesionais.

Son moitos os proxectos que hai en marcha, por iso, imos dividilos en diferentes grupos: 

PODCAST:

Apaixónache a comunicación, a radio ou o mundo do audio? Creamos un podcast para dar a coñecer o centro, e que todas esas persoas que están a pensar en vir estudar aquí non se sentan tan perdidos. No primeiro programa coñeceremos ao alumnado, ao persoal, ao equipo docente, charlaremos sobre temas culturais, entrevistas, recomendacións de libros e moito máis.

MANTEMENTO

Este grupo encárgase de que a biblioteca estea sempre nas mellores condicións. Organizamos, clasificamos e coidamos o material, tanto dos libros como dos equipos informáticos. Se che gusta a orde, a organización e queres aprender máis sobre como funciona unha biblioteca por dentro, este é o equipo ideal. 

TEATRO

Neste grupo gústanos moito actuar e adaptamos as obras máis famosas para outros colexios, e que así os máis pequenos poidan aprender dunha forma divertida. Traballamos o guión, a escenografía, luces e son para reprensentar a obra o mellor posible.

DINAMIZACIÓN DAS TICs 

Queremos promocionar as redes sociais do centro; creamos contidos para que sexa máis próximo co alumnado e promovemos o uso responsable da tecnoloxía. 

EVENTOS

Organizamos mini eventos para celebrar as datas sinaladas no calendario, por exemplo: O día das letras galegas, San Valentín e moitos máis.

O voluntariado na biblioteca é máis que unha actividade: é unha experiencia que enriquece, ensina e conecta. 

Se tes algunha dúbida podes escribirnos no Instagram da biblioteca do centro: @biblioucha